首頁 > 熱門話題

| 親子 | 大大架消防車係眼前!

2017/12/06

作者 朝瞳氏

成日同朝瞳提起警車、救護車、消防車等等,都只係可以係馬路上望一眼,Bi-Bu-Bi-Bu兩下就駛走咗。今次大大架嘅紅色消防車係眼前出現,朝瞳印象十分深刻!


上星期日我地就去咗「九龍城區防火教育運動同樂日」,原因只係放興趣班順路過去(笑)。


IMG_3452


食完午餐到達球場大概一點左右,仲好早,大會活動同遊戲攤位兩點先開始。現在有三架大大嘅消防車、影相紙板、十多個攤位遊戲咁,因為早到我地影相都影得好輕鬆。
IMG_3453IMG_3454

原本都冇打算大會節目,因為我都唔知有咩睇(沒有準備的呀媽),但朝瞳話要坐低,咁又等左15分鍾。先係一輪致詞頒獎,呢個時候我發現到現場已經多人,攤位遊戲已有人龍(汗)。其實朝瞳都有啲唔耐煩,但我地冇走到,因為聽到有消防短劇睇!呢個短劇雖然短,但消防員哥哥會著晒制服出嚟,消防車會伸出雲梯足以令朝瞳睇到呆。之後仲有啲歌唱節目,但我地都冇睇了。

IMG_3457


因為又走左去睇消防車,同消防員哥哥影相!之後就離開嚕,但現場先真正開始,好多人(汗汗)。拖住朝瞳離開時,佢主動講「媽媽,我好開心呀!」~ 希望你會記得啦~


其他 不同地區嘅消防嘉年華/開放日:

青衣消防局開放日暨葵青區防火嘉年華

  • 日期:2017年12月17日

  • 時間:上午10時30分至下午4時

  • 地點:青衣鄉事會路 11 號青衣消防局


深水埗區防火嘉年華暨長沙灣消防局及救護站開放日

  • 日期:2017年12月17日

  • 九龍長沙灣遊樂場

  • 九龍長沙灣道 429 號長沙灣消防局及九龍長沙灣發祥街 7 號長沙灣救護站

  • 長沙灣遊樂場 -下午1時30分至下午5時30分

  • 長沙灣消防局及救護站 -下午3時30分至下午5時30分


費用:免費


題外話,本人十分怕人多,其實去呢類型活動都擔心、預左人多即走,寧願玩其它開心玩意。但好彩我地早到,趁少人影左相先。早到都未嘗係壞事。


喜歡嘅朋友,可以 Follow  朝瞳氏の日常  睇更多日常放送。







最新學校,親子活動 即
相關文章

| 親子 | 12月 公共圖書館活動

公共圖書館每個月份都有不同的活動給小朋友參加,在今個12月,有關於香港的新聞專題展覽,DIY創意樂滿FUN,纖維藝術探索展覽,以及兒童及青少年閱讀計劃的月會。

| 親子 | 自助圖書站西灣河啟用

香港公共圖書館今日於西灣河區推出首個自助圖書館站,設有自助機為市民提供廿四小時借閱、歸還、繳款及領取預約圖書館資料服務。

| 親子 | 芬蘭「SuperPark」登陸香港

全球最友善、集多項運動於一體的一站式室內活動樂園 SuperPark,即將衝出芬蘭進駐香港,爆發一股勢不可擋的動能量,為香港的玩樂消閒掀起一番新景象。

溫馨提示

錯誤

溫馨提示

錯誤